從新開始

今日試吓多圖少字。

副新架撐今日面世，要操吓佢，當然要去新舊交替嘅中環。

新機好唔好用？認真講，唔可以俾滿分，一分錢一分貨，有時優質同方便係要從中取捨，想啲相靚到爆，千祈咪怕麻煩怕論盡，好難怪人哋吓吓要孭一大舊鐵出街。我幾時會做到咁專業？咦，又一個人生目標嚟喎，俾三幾年時間我啦。



呢幾日，試新嘢的確有精彩發現。啱傾啱講嘅人，其實身邊仲有，只不過一直以為佢哋唔係，冇去發掘啫。放低成見，由另一個角度出發，人生色彩又豐富一啲。

我唔太識得玩相片效果，執相嘅嘢，都係睇多啲photoshop嘅書，多啲觀摩人哋嘅作品先得。